Metrology
<<ՍՏԱՆԴԱՐՏԱՑՄԱՆ և ՉԱՓԱԳԻՏՈՒԹՅԱՆ ԱԶԳԱՅԻՆ ՄԱՐՄԻՆ>> ՓԲԸ
ՉԱՓԱԳԻՏՈՒԹՅԱՆ ԱԶԳԱՅԻՆ ՄԱՐՄԻՆ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷԿՈՆՈՄԻԿԱՅԻ ՆԱԽԱՐԱՐՈՒԹՅՈՒՆ
ՀԱՅ ՀԱՅ  |  РУС РУС  |  ENG ENG

 

Բարի գալուստ «Ստանդարտացման և չափագիտության ազգային մարմին» ՓԲ ընկերության պաշտոնական կայքէջ

  

Ողջունում եմ մեր սիրելի այցելուներին և չափագիտության բնագավառում մեր հարգելի գործընկերներին և ուրախությամբ Ձեզ եմ ներկայացնում «Ստանդարտացման և չափագիտության ազգային մարմին» ՓԲ ընկերության մասին ամփոփ տեղեկատվությունը:

«Ստանդարտացման և չափագիտության ազգային մարմին» ՓԲ ընկերությունը՝ հանդիսանալով Հայաստանի Հանրապետության կառավարության կողմից ճանաչված ազգային մարմին, օրենքով իրեն վերապահված իրավասությունների շրջանակներում չափագիտության բնագավառում իրականացնում է պետական քաղաքականություն:

«Ստանդարտացման և չափագիտության ազգային մարմին» ՓԲ ընկերության գործունեությունն ուղղված է Հայաստանի Հանրապետությունում չափումների միասնականության ապահովման իրավական հիմքերի պահպանմանը, չափումների միասնականության ապահովման բնագավառում իրավաբանական անձանց և անհատ ձեռնարկատերերի հարաբերությունների ամրապնդմանը և չափումների ոչ հավաստի արդյունքների բացասական հետևանքներից սպառողների իրավունքների և օրինական շահերի պաշտպանությանը, տնտեսության զարգացմանը և գիտատեխնիկական առաջընթացին:

«Ստանդարտացման և չափագիտության ազգային մարմին» ՓԲ ընկերության հիմնական  գործառույթներից են.

- մեծությունների միավորների ազգային չափանմուշների ստեղծում, պահպանում և կատարելագործում,

- շահագործման մեջ գտնվող չափման միջոցների չափագիտական բնութագրերի փորձաքննություն,

- օրենսդրական չափագիտության ոլորտում չափումների կատարման մեթոդիկաների չափագիտական վկայագրում,

- չափման միջոցների տեսակի հաստատում,

- չափման միջոցների ստուգաչափում,

- չափումների միասնականության ապահովման բնագավառում կադրերի ուսուցում, մասնագիտացում, վերապատրաստում՝ համապատասխան վկայագրերի շնորհումով,

«Ստանդարտացման և չափագիտության ազգային մարմին» ՓԲ ընկերությունը սերտորեն համագործակցում է չափագիտության բնագավառում միջազգային և տարածաշրջանային ճանաչված կազմակերպությունների հետ, այդ թվում՝

ՉԳՏՀ՝ չափագիտության բնագավառում գիտատեխնիկական հանձնաժողովի հետ, որը Ստանդարտների, չափագիտության և սերտիֆիկացման միջպետական խորհրդի ՍՉՍ ՄՊԽ-ի աշխատանքային մարմին  է,

ԿՕՕՄԵՏ՝  Չափագիտության ազգային հաստատությունների Եվրասիական համագործակցության հետ,

ԱԷՄԳ՝  Ատոմային էներգիայի միջազգային գործակալության հետ,

PTB-ի՝  (ֆիզիկա-տեխնիկական դաշնային ինստիտուտ) Գերմանիայի չափագիտության ազգային ինստիտուտի հետ:

Սիրելի այցելուներ և հարգելի գործընկերներ առայժմ այսքանը:

Սպասում ենք մեզ հետ որպես գործընկեր ակտիվ համագործակցության:

Այդ նպատակով և մեր մասին ավելի մանրամասն տեղեկատվություն կստանաք այցելելով մեր կայքէջի տարբեր բաժիններ:

           

                                                                   Հարգանքով՝

                       Տնօրենի պաշտոնակատար ԱԼԲԵՐՏ ԲԱԲԱՅԱՆ

 

ՆՈՐՈՒԹՅՈՒՆՆԵՐ
Մեր 53-ամյա աշխատակցուհին երկվորյակ է լույս աշխարհ բերել

Մեր 53-ամյա աշխատակցուհին երկվորյակ է լույս աշխարհ բերել

<<Արագածի  գիտական կենտրոն>>-ում  գտնվող էտալոնային ալեհավաքները ճանաչվել են, որպես <<Ազգային չափանմուշ>>-ներ

<<Արագածի գիտական կենտրոն>>-ում գտնվող էտալոնային ալեհավաքները ճանաչվել են, որպես <<Ազգային չափանմուշ>>-ներ

Կայացավ Ստանդարտացման, չափագիտության և սերտիֆիկացման միջպետական խորհրդի 4-րդ արտահերթ նիստը

Կայացավ Ստանդարտացման, չափագիտության և սերտիֆիկացման միջպետական խորհրդի 4-րդ արտահերթ նիստը

<<Հարավային Կովկասի երկրներում որակի ենթակառուցվածքների ուժեղացում>> ծրագրի շրջանակներում տեղի ունեցավ ղեկավար կազմի հերթական նիստը

<<Հարավային Կովկասի երկրներում որակի ենթակառուցվածքների ուժեղացում>> ծրագրի շրջանակներում տեղի ունեցավ ղեկավար կազմի հերթական նիստը